 |
 |
1. ZENBAKIA
2007.eko Urtarrila
Indarkeriarik
gabe bizitzeko eskubidearen alde
Edukiak:
Erdiak babesik
gabe
Emakumeen aurkako
indarkeriaren azterketa feminista
Tierra viva
"Emakume,
ez zaude bakarrik": proposamen alternatiboa
Mutilazio genitala
Emakumeen hilketa
Clara Campoamor
Elkartea
Agiririk gabeko
emakume etorkinak, ahulagoak genero-indarkeriaren aurrean
Liburuak eta filmak
Zure iritzia interesatzen
zaigu! |
| |
“Emakumeen aurkako indarkeria
betidanik izan da. Berria indarkeria indarkeri moduan ikustea da,
eta hura onartzeari uko egitea”
Alberdi
(2005)
Emakumeek genero-arrazoiak direla-eta pairatzen duten indarkeria munduko
kultura guztietako gizarte-maila guztietan ematen da. Emakumeen aurka
emakume izate hutsagatik zuzendutako hura da, edo emakumeei neurriz
gain erasaten dien hura.
Indarkeriaren sorburua emakumeen eta gizonen arteko botere-banaketa
desberdina da, bereizkeria. Gaur egun mundu-mailan ematen diren giza
eskubideen urraketen artean unibertsalena da. Estatistikek erakusten
dute emakumeen eskubideak munduko inongo bazterretan ez daudela erabat
bermaturik.
Amnistia Internazionalaren ikerketen arabera, munduko hiru emakumetik
bat bere bizialdian kolpatua izan da, sexu-harremanak izatera behartua
edo bestelako abusuren bat jasanarazia.
“Mujeres con
Voz - Emakumeen ahotsa” aldizkariaren bidez mugimendu feministak
eta emakume-taldeek Iparraldean nahiz Hegoaldean giza eskubideak –ez
soilik emakumeena, baita beraien komunitateena ere– defendatze
aldera burutzen ari diren lana nabarmendu nahi dugu; modu horretara,
lantegi hau guztia aurrerabide sozialerako funtsezko zutabe bilakatzen
da.
Hezkuntza ez diskriminatzailearen alde egin behar da, eta diskriminazioaren
zioak azaltzen ahalegindu, horrela haren aurka borrokatu ahal izateko.
Indarkeria prebenitzeko oinarria hezkuntzan gizon eta emakumeen berdintasunaren
printzipioa txertatzea eta indarkeria gatazkak konpontzeko bide bezala
arbuiatzea da; horrek indarkeria errotik kentzeko neurriak hartzea
ahalbidetuko digu. |
| |
| Aldizkariaren Aurkezpena: “Mujeres
con voz - Emakumeen ahotsa” |
| Honakoa 6 aldizkarik osatutako serie baten lehen zenbakia
da. Aldizkarien helburua zenbaitetan ezezaguna den emakumeen errealitateari
buruz sentsibilizatzea, informatzea eta errealitate hori jendearengana
hurbiltzea da, emakumeen ekarpenei arreta berezia eskainiz. Aldizkarian
emakumeen eskubideen alde ibilbide luzea egin duten Hegoaldeko eta
Iparraldeko emakumeen lekukotasunak, gogoetak eta iritziak jasoko
dira. |
|
Círculo
Solidario Euskadi · Euskadiko Elkarbidea
