Bakegintzan emakumeek zeregin handia dute, eta garrantzi
handikoa da gizarte guztiek hori ondo ulertzea, onartzea eta bereganatzea.
Feminismoa, bakegintza eta antimilitarismoa, hirurak bat eginik agertzen
zaizkigu, gatazka armatuak eta indarkeria-era anitzak desagerrarazten
laguntzeko orduan. "Mujeres con voz – Emakumeen Ahotsa"
aldizkariaren hirugarren zenbakian, horri buruzko arrazoiak aztertu
nahi ditugu, hausnarketa eraginda. Munduko leku askotan izandako esperientziak
ekarri nahi izan ditugu hona; emakumeek zeregin nagusia izan baitute
gatazka asko konpontzeko orduan; horrez gainera, emakumeak aitzindari
izan dira, eta badira oraindik ere, bakegintzan eta negoziazio-eraikuntzan.
Emakumeen sormena, kemena eta indarra; horiexek izan dira beren arteko
loturak eta harremanak eratzeko giltzak; euren arteko ezberdintasunak
lagungarri izan dira eta harremanak estutzeko balio izan dute.
Hemen jasotako elkarrizketa eta artikulurik gehienak Emakundek egindako
SARE 06 kongresuan bildutakoak dira; mundu osotik etorritako emakumeak
bildu ziren 2006ko urrian Donostian egin zen kongresu honetara: “Mujeres
generando las paces – Emakumeak bakeak eraikitzen”. |
Círculo
Solidario Euskadi · Euskadiko Elkarbidea
